უნგრეთის საგარეო საქმეთა და ვაჭრობის სამინისტრო აცხადებს სასტიპენდიო კონკურსს უნგრული ენისა და კულტურის შემსწავლელ პროგრამაზე. პროგრამის ხანგრძლივობაა 10 თვე (სექტემბერი, 2023 - ივნისი, 2024) და განაცხადების მიღების ბოლო ვადა 2023 წლის 17 აპრილი, 24:00 (UTC+1).

ტალინის უნივერსიტეტი გთავაზობთ სასტიპენდიო პროგრამას სამაგისტრო საგანმანათლებლო პროგრამისთვის: საგანმანათლებლო ინოვაცია და ლიდერობა. პროექტი მხარდაჭერილია განვითარების თანამშრომლობის სასტიპენდიო პროგრამით (ESTDEV) ესტონეთის საერთაშორისო განვითარების ცენტრის მიერ. პროექტი მოიცავს 10 სრულ სტიპენდიას და აფინანსებს სტუდენტის სწავლის საფასურს 2023/2024 სასწავლო წლისთვის და ასევე, ფარავს ცხოვრების ხარჯებს (თვეში 400 ევრო 10 თვის განმავლობაში). პროგრამა არ ფარავს მეორე კურსის (აკადემიური წელი 2024/2025) სწავლის საფასურს.

სლოვაკეთის მთავრობა გთავაზობთ სლოვაკეთის სამთავრობო სასტიპენდიო პროგრამებს 2023-2024 სასწავლო წლისათვის. განცხადების წარდგენა შეუძლია ყველა საფეხურის სტუდენტს (ბაკალავრიატი, მაგისტრატურა, დოქტორანტურა). აპლიკანტების მიერ განაცხადის წარდგენა შესაძლებელია 2023 წლის 24 მარტიდან შემდეგი ვებგვერდის მეშვეობით: www.vladnestipendia.sk/en/

ბათუმის შოთა რუსთაველის სახელმწიფო უნივერსიტეტი ბსუ-ს საბაკალავრო საგანმანათლებლო პროგრამების სტუდენტებისთვის აცხადებს აჭარის ავტონომიური რესპუბლიკის განათლების, კულტურისა და სპორტის სამინისტროს მიერ დაფინანსებული გაცვლითი პროგრამის კონკურსს ევროპის უნივერსიტეტებში მობილობის განხორციელების მიზნით. უნივერსიტეტების და სასწავლო კურსების ჩამონათვალი იხილეთ (დანართში 1).

გამოცხადდა „ერაზმუს+“-ის გაცვლითი პროგრამის კონკურსი PEERS პროექტის (პორტუგალია) ფარგლებში, საქართველოს მასშტაბით, რომელშიც ბათუმის შოთა რუსთაველის სახელმწიფო უნივერსიტეტის სტუდენტებს, აკადემიურ და ადმინისტრაციულ პერსონალს ეძლევა საშუალება, მიიღოს მონაწილეობა. განაცხადები მიიღება ელექტრონულად მიმღებ უნივერსიტეტებში პირდაპირი წესით - რეგისტრაციის ბოლო დღე 2023 წლის 31 მაისი.

სტრატეგიული განვითარებისა და საგარეო ურთიერთობათა დეპარტამენტის უფროსის მოადგილე, „ერაზმუს+“-ის კოორდინატორი ნანა ყურშუბაძე „ერაზმუს+“-ის გაცვლით პროგრამაში გამარჯვებულ სტუდენტებს შეხვდა. შეხვედრის დროს განიხილეს სავიზო, სასწავლო, გამგზავრებისა და სტუდენტებისათვის საჭირო საკითხები. გამარჯვებულ სტუდენტებს შეხვდნენ ბსუ-ში „ერაზმუს+“-ის გაცვლითი პროგრამით ჩამოსული სტუდენტები, რომლებმაც თანატოლებს გამოცდილება და რჩევები გაუზიარეს.

განათლების საერთაშორისო ცენტრი აცხადებს სასტიპენდიო პროგრამებს 2023-2024 სასწავლო წლისთვის. საქართველოს მოქალაქეებს, პირადობის ნეიტრალური მოწმობის ან/და ნეიტრალური სამგზავრო დოკუმენტის მფლობელებს შეუძლიათ მოიპოვონ გრანტი და სწავლა განაგრძონ საზღვარგარეთ, როგორც აკადემიური უმაღლესი განათლების პროგრამებზე, ასევე, კვალიფიკაციის ასამაღლებელ პროგრამებზე.

ცხადდება კონკურსი ბსუ-ს იურიდიული და სოციალურ მეცნიერებათა ფაკულტეტის საერთაშორისო ურთიერთობების და ევროპისმცოდნეობის საბაკალავრო საგანმანათლებლო პროგრამების სტუდენტებისთვის ევროკომისიის მიერ დაფინანსებული „ერაზმუს+“-ის გაცვლითი პროგრამის ფარგლებში სტიპენდიის მოსაპოვებლად რეგიონალური (სომხეთი, საქართველო, აზერბაიჯანი, უკრაინა) მასშტაბით ზალცბურგის უნივერსიტეტში (ავსტრია). მობილობა განხორციელდება 2023-2024 სასწავლო წლის შემოდგომის/გაზაფხული სემესტრში.