გერმანიის აკადემიური გაცვლის სამსახურის ორგანიზებით მიმდინარე წლის 8- 12 დეკემბერს ქალაქ თბილისში ტარდება სემინარი თემაზე ,,Georgien und Europa – Zukunft im Spannungsfeld von Geschichte und Politik“.
სპეცკურსის მიზანია საქართველოს უმაღლესი სასწავლებლების ჰუმანიტარულ, სოციალურ მეცნიერებათა და სამართალმცოდნეობის მიმართულებების მაგისტრანტებსა და დოქტორანტებს დაეხმაროს ევროკავშირის შესახებ ფაქტობრივი ცოდნის გაღრმავებაში, რაც საშუალებას მისცემს მათ არგუმენტირებული და ისტორიული თვალსაზრისით მართებული მოსაზრებებით ჩაერთონ ევროკავშირისა და საქართველოს ევროპული მომავლის შესახებ არსებულ დისკურსში.

ცინჩუას უნივერსიტეტი და ჩინეთის სტიპენდიების საბჭო (CSC – China Scholarship Council) 2015 წლისთვის აცხადებს საგრანტო კონკურსს სამაგისტრო და სადოქტორო პროგრამებზე. კვლევის ძირითადი მიმართულებებია: სამრეწველო ნარჩენების გადამუშავება, ბიომასის გადამუშავება და ა.შ.

ბერლინის თავისუფალი უნივერსიტეტი აცხადებს საგრანტო კონკურსს აღმოსავლეთ აზიის კვლევების მიმართულებით. სადოქტორო პროგრამაზე განაცხადის გაკეთება შეუძლია შემდეგი მიმართულებების მაგისტრებს: პოლიტიკური მეცნიერებები, სოციალური და კულტურული ანთროპოლოგია, ბიზნესი, ეკონომიკა, სამართალი, ისტორია, კულტურათმცოდნეობა, ჰუმანიტარული, გარემოს დაცვის პოლიტიკა.

მემორიალ უნივერსიტეტი (კანადა, ნიუფაუნდლენდი) აცხადებს საგრანტო კონკურსს კომპიუტერული ინჟინერიის მიმართულებით სადოქტორო და სამაგისტრო პროგრამებზე.

MPC-AS-ის აზიის მთავარი განყოფილება Castech-ი მიმდინარე სამეცნიერო ექსპერიმენტში მონაწილეობის მისაღებად იწვევს ენთუზიასტ მეცნიერებს ატომური და ქიმიური ფიზიკის მიმართულებით.

ბერგენის უნივერსიტეტის ფსიქოლოგიის ფაკულტეტი ნორვეგიის სამეფოში 2015-17 სასწავლო წლებისათვის აცხადებს მიღებას სამაგისტრო პროგრამაზე : „გენდერი და განვითარება“ (ჯანმრთელობის მხარდაჭერისა და განვითარების დეპარტამენტი).
პროგრამა განკუთვნილია უცხოელი სტუდენტებისათვის და ითვალისწინებს ნორვეგიის მთავრობის სტიპენდიას (1000 ევროს ოდენობით თვეში).

ტალინის ტექნოლოგიური უნივერსიტეტის საგარეო ურთიერთობათა სამსახურის მარკეტინგის მენეჯერმა კეიტ კისელმა, ბათუმის შოთა რუსთაველის სახელმწიფო უნივერსიტეტის სტუდენტებს ტალინის ტექნოლოგიური უნივერსიტეტის საერთაშორისო ინგლისურენოვანი პროგრამები გააცნო. ასევე ისაუბრა სამთავრობო სტიპენდიის შესახებ, რომელსაც ესტონეთის საელჩო საქართველოში ყოველწლიურად აცხადებს და სტუდენტებს მათში ჩართულობისკენ მოუწოდა.

DAAD-ის საინფორმაციო შეხვედრა გაიმართა ბათუმის შოთა რუსთაველის სახელმწიფო უნივერსიტეტში. DAAD-ის (გერმანიის აკადემიური გაცვლის სამსახური) ქუთაისის საინფორმაციო ცენტრის ხელმძღვანელმა დიანა შლუხტმანმა სტუდენტებსა და პროფესორ-მასწავლებლებს მიმდინარე სასტიპენდიო პროგრამები, საზაფხულო სკოლები და საკონკურსო პირობები წარუდგინა. გერმანიაში სწავლის მსურველებს შეუძლიათ მონაწილეობა მიიღონ DAAD-ის შემდეგ პროგრამებში: საზაფხულო ენის კურსი გერმანიაში, სამაგისტრო სტიპენდია ყველა სპეციალობის კურსდამთავრებულთათვის, ERP - სამაგისტრო სტიპენდია ეკონომისტებისათვის, სტიპენდია ხელოვანთათვის, კვლევითი სტიპენდია დოქტორანტებისა და ახალგაზრდა მეცნიერებისათვის, კვლევითი სტაჟირება უნივერსიტეტის პედაგოგებისათვის, მეცნიერთა ორმხრვი გაცვლა.