პროფესორ ქეთევან ჯაშის ფუნდამენტური ნაშრომი - რომანულ ენათა ისტორიების სარწმუნო წყაროებზე დაყრდნობით, წარმოგვიდგენს რომანულ ენათა ოჯახის ქვეჯგუფების - გალო-რომანულის, იბერო-რომანულის, იტალო-რომანულისა და რეტორომანულის ჩამოყალიბების ისტორიას, რომანიზაციის პერიოდიდან დღემდე.
გრამატიკის ამ სახელმძღვანელოში გადმოცემულია ისეთი გრამატიკის სწავლება, რომელიც მოსწავლეებისათვის მისაწვდომს გახდის მეცნიერული გრამატიკის ფუნდამენტურ პრინციპებს და ინტეგრირებას მოახდენს ლინგვისტიკის ყველაზე მნიშვნელოვანი მონაპოვრების სწავლებაში.
ბათუმის შოთა რუსთაველის სახელმწიფო უნივერსიტეტის ბიოლოგიის დეპარტამენტის ასოც. პროფ. საშა ხორავამ ბიბლიოთეკას საჩუქრად გადმოსცა შემდეგი დასახელების წიგნები: რ. თოლორდავას „ტოპოგრაფია გეოდეზიის საფუძვლებით“; დ. კერესელიძის „ზოგადი ონკოლოგია“; თ გორდეზიანის „კარტოგრაფიული კონცეფციები“ და გ. ლიპარტელიანის „გეოგრაფიული კარტოგრაფიის ტერმინოლოგიური ცნობარი“.
ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტიდან ბიბლიოთეკას გადმოეცა წიგნი, ბათუმი, 2015 წლის 5-6 სექტემბერის საერთაშორისო სამეცნიერო კონფერენციის მასალები, „ბათუმი წარსული და თანამედროვეობა VI”.
ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ადმინისტრირების ფაკულტეტის ლექტორებისაგან ბიბლიოთეკას საჩუქრად გადმოეცა წიგნები:
