ბიბლიოთეკას საჩუქრად გადმოეცა ლამარა ქოქიაურის სახელმძღვანელო „უცხოური ინვესტიციები“. სახელმძღვანელოში გადმოცემულია უცხოური ინვესტიციების თეორიულ-მეთოდოლოგიური საფუძვლები, ეკონომიკური შინაარსი და განვითარების ტენდენციები. ნაშრომის სიახლეა ინვესტიციების შესახებ საყოველთაოდ მიღებული მარეგულირებელი ძირითადი კანონების მოძიება და მათ საფუძველზე ინვესტიციების საკანონმდებლო ბაზის განმტკიცების პრობლემატური საკითხების გადაჭრის მცდელობა.
პროფესორმა მამია ფაღავამ ბიბლიოთეკას საჩუქრად გადმოსცა მონოგრაფია „სამხრული კილოები - ბრუნებისა და უღლების ძირითადი პარადიგმები“. წიგნი განკუთვნილია ქართული დიალექტების, ქართული ენის ისტორიისა და სტრუქტურის მკვლევართათვის, სტუდენტებისა და მკითხველთა ფართო წრისათვის.
ბიბლიოთეკას საჩუქრად გადმოეცა სახელმძღვანელო „შესყიდვების ადმინისტრირება“ სახელმძღვანელოს ავტორები არიან: ოთარ კიკვაძე, ირმა მახარაშვილი, მიხეილ ძაგანია. წიგნში გაშუქებულია, როგორც კერძო სუბიექტების, ასევე სახელმწიფოს მიერ განხორციელებული შესყიდვების პრინციპები, საშუალებები და ფორმები და ზოგადად შესყიდვების ადმინისტრირება.
პროფესორმა ვახტანგ გურულმა უნივერსიტეტის ბიბლიოთეკას საჩუქრად გადმოსცა წიგნი „საქართველოს ახალი ისტორია (1801-1918). წიგნი განკუთვნილია ისტორიის სპეციალობისა და ზოგადად ჰუმანიტარული მიმართულების სტუდენტებისათვის, მკითხველთა ფართო წრისათვის.
