ბათუმის შოთა რუსთაველის სახელმწიფო უნივერსიტეტს აკადემიკოს გურამ ლორთქიფანიძის ანდერძის თანახმად, საჩუქრად გადაეცა მისი მდიდარი ბიბლიოთეკა. გურამ ლორთქიფანიძის ბიბლიოთეკა მრავალფეროვანია, მოიცავს იშვიათ გამოცემებს ისტორიის, კულტუროლოგიის, ხელოვნებათმცოდნეობის და არქეოლოგიის მიმართულებით. მდიდარი წიგნადი ფონდი უდიდეს სამსახურს გაუწევს ბსუ-ს პროფესორ-მასწავლებლებს, სამეცნიერო პერსონალს, სტუდენტებსა და ყველა დაინტერესებულ პირს.

პროფესორმა ნოდარ ბასილაძემ ბიბლიოთეკას საჩუქრად გადმოსცა მისივე სახელმძღვანელოები „მშობელთა სახელმძღვანელო“ და „პედაგოგიკა“. ორივე მათგანი ჩართულია ბსუ-ს ბიბლიოთეკის ქსელში და ელოდება მკითხველს.

ბიბლიოთეკას საჩუქრად გადმოეცა ნანა გელოვანის მონოგრაფია „ქალი ისლამში X-XVI სს.“ იგი ჩართულია ბსუ-ს ბიბლიოთეკის ქსელში და ელოდება მკითხველს.

ბიბლიოთეკას საჩუქრად გადმოეცა წიგნი „აღმოსავლეთ-დასავლეთის თხუთმეტსაუკუნოვანი ბრძოლა“. წიგნში მკითხველი გაეცნობა ჯვაროსნული ომების საინტერესო ეპიზოდებს. იგი საინტერესო იქნება ისტორიკოსებისათვის, აღმოსავლეთმცოდნეებისა და აღმოსავლურ- დასავლური ურთიერთობით დაინტერესებული მკითხელთა ფართო წრისათვის.