,,HILTON ბათუმის“ გენერალური მენეჯერი ნელსონ სტიურატი და HILTON-ის სათაო ოფისის წარმომადგენლები ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის სტუდენტებს შეხვდნენ. კოპანიის გენერალურმა მენეჯერმა სტუდენტებს ,,HILTON ბათუმი“ და საერთაშორისო ბრენდის სტანდარტები წარუდგინა. ნელსონ სტიურატმა შეხვედრაზე ასევე ისაუბრა ტურიზმის ფაკულტეტთან პარტნიორობის სტრატეგიაზე და სტუდენტებს დასაქმება შესთავაზა. „HILTON ბათუმი“ მესამე საერთაშორისო ბრენდია, რომელთანაც ტურიზმის ფაკულტეტი აქტიურ თანამშრომლობას იწყებს. საერთაშორისო ბრენდის სხვადასხვა კომპანიაში დღემდე ტურიზმის ფაკულტეტის 150-მდე სტუდენტია დასაქმებული. შეხვედრის დასასრულს ,,HILTON ბათუმის“ წარმომადგენლებმა 10 იღბლიან სტუდენტს საჩუქრად სასტუმროს მომსახურების პაკეტი გადასცეს.

ერთობლივი პროექტის ,,ნორვეგიაში, საქართველოსა და ყირგიზეთში ტურიზმის მდგრადი განვითარებისა და ინოვაციების სფეროში განათლება“ წარმატებით ხორციელდება. ყოველწლიურად ტურიზმის ფაკულტეტის სტუდენტების ერთწლიანი სწავლება ნორვეგიის ტელემარკის უნივერსიტეტში ,,ტურიზმის მენეჯმენტის“ სპეციალობაზე მიმდინარეობს. ტელემარკის უნივერსიტეტში ინტერნაციონალურ შეხვედრაზე სტუდენტებმა - ერეკლე ჩიკვაიძემ, ავთანდილ საგინაძემ, სოფიო ფოფხაძემ, გურანდა ბაგრატიონმა და მედეა ბერიძემ საქართველო წარმოადგინეს.

ტურიზმის ფაკულტეტის დამამთავრებელი კურსის სტუდენტმა 2 თვიანი სასწავლო პრაქტიკა კუნძულ უსედომზე ხუთვარსკვლავიან სასტუმროებში - ,,SEEHOTEL ALBEKHER HOF“ გაიარეს. სტუდენტებს 2 თვის განმავლობაში საშუალება ჰქონდათ გაცნობოდნენ სასტუმროს ყველა ძირითად სტრუქტურულ ერთეულს. თეორიულ ცოდნის მიღებასთან ერთად სტუდენტები აქტიურად იყვნენ ჩართული სასტუმროს ყოველდღიურ საქმიანობაში. პრაქტიკა უზრუნველყოფილი იყო გერმანიის შვერინის ბალტიკის კოლეჯთან გაფორმებული მემორანდუმის საფუძველზე.