შვერინისა და ბერლინის გამოყენებით მეცნიერებათა უნივერსიტეტის პროფესორი, „სოლუშენზ ჰოლდინგ“-ის აღმასრულებელი დირექტორი, მასპინძლობის ინდუსტრიის გერმანელი ექსპერტი და ბსუ-ს საპატიო დოქტორი შტეფან გერჰარდი ბსუ-ს ტურიზმის ფაკულტეტს სამუშაო ვიზიტით ეწვია. პროფესორმა ვიზიტის ფარგლებში ბაკალავრიატის სტუდენტებს მასტერკლასი ჩაუტარა თემაზე: „საერთაშორისო მასპინძლობის მენეჯმენტში” და მოაწყო ინდივიდუალური სემინარი ბათუმის სასტუმროს კონცეფციის შემუშავების მიმართულებით. გერმანელი ექსპერტი ტურიზმის ფაკულტეტის 10 სტუდენტს შეარჩევს, რომლებიც გერმანიაში გაემგზავრებიან. ახალგაზრდები მისივე მხარდაჭერით ერთი კვირის განმავლობაში ბერლინის ბრენდული სასტუმროების საქმიანობას გაეცნობიან.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის სტუდენტებს საერთაშორისო ფრანგული ბრენდის სასტუმრო „ლე მერიდიანში“ დასაქმების საშუალება ეძლევათ. სასტუმროს წარმომადგენლებმა უმაღლეს საგანმანათლებლო დაწესებულებაში საინფორმაციო შეხვედრა გამართეს და ახალგაზრდებს არსებული ვაკანსიები გააცნეს. „ლე მერიდიანი“ 40-მდე სხვადასხვა პოზიციაზე აცხადებს კონკურსს. სასტუმროს სულ 100-მეტი ვაკანტური ადგილი აქვს და პერსონალი ძირითადად ტურიზმის ფაკულტეტის სტუდენტებით დაკომპლექტდება. 5-ვარსკვლავიანი სასტუმრო „ლე მერიდიანი“ „ბათუმი თაუერში“ განთავსდება.

ხულოს მუნიციპალიტეტში მოქმედი ტურისტული მომსახურებების 20-მდე ოპერატორს სოფლად ტურიზმის თემაზე ტრენინგი ჩაუტარდათ. სწავლების მიზანი იყო, სოფლად ტურისტული სერვისების განვითარების შესახებ ცოდნის გაღრმავება და თანამედროვე ტენდენციების გაცნობა. ორდღიან ტრენინგს უძღვებოდნენ ბათუმის შოთა რუსთაველის სახელობის სახელმწიფო უნივერსიტეტის ტურიზმის ფაკულტეტის დეკანი როსტომ ბერიძე, ტელემარკის უნივერსიტეტის პროფესორი თეიმურაზ აბესაძე და ტურიზმის ფაკულტეტის მოწვეული ლექტორი ული ტროსიენი.

ბსუ-ს ტურიზმის ფაკულტეტისა და გერმანიის ექსპერტთა სამსახურის (Senior Experten Service) თანამშრომლობის ფარგლებში, ტურიზმის გერმანელმა ექსპერტმა ულრიხ ტროსიენმა ბაკალავრიატისა და მაგისტრატურის სტუდენტებისთვის მასტერკლასი ჩაატარა ტურიზმის განვითარების, სასტუმროს მენეჯმენტისა და სერვისის ხარისხის საკითხებზე. ერთკვირიანი შეხვედრები მიზნად ისახავდა სტუდენტებისთვის ტურიზმის ინდუსტრიის სიახლეების გაცნობას და პროფესიული უნარ-ჩვევების გაუმჯობესებას.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტი ბაკალავრიატისა და მაგისტრატურის საგანმანათლებლო პროგრამების სტუდენტთათვის აცხადებს კონკურსს ვახუშტი ბატონიშვილის (ბაკალავრიატში) და ექვთიმე თაყაიშვილის (მაგისტრატურაში) სახელობითი სტიპენდიების მოსაპოვებლად. კონკურსში მონაწილეობის მიზნით კონკურსანტებმა 2019 წლის 21 ოქტომბრიდან 31 ოქტომბრის ჩათვლით 10:00 საათიდან 16:00 საათამდე ტურიზმის ფაკულტეტის დეკანის ოფისში, ოთახი №121 უნდა წარადგინონ.