ბათუმის შოთა რუსთაველის სახელმწიფო უნივერსიტეტში სხვადასხვა კლინიკის ექიმებმა საჯარო ლექციები ჩაატარეს მედიცინის აქტუალურ თემებზე. „საზღვაო ჰოსპიტალის“ გინეკოლოგიური განყოფილების ხელმძღვანელმა, ონკო-ქირურგმა კობა სტუდენტებს მოხსენება წარუდგინა თემაზე: „თანამედროვე მიდგომა გინეკოლოგიაში“, კლინიკა „ინოვას“ გინეკოლოგ-ქირურგმა, ენდოსკოპისტმა თამარ ძოწენიძემ - „ჰისტერსკოპიის როლი თანამედროვე გინეკოლოგიურ პრაქტიკაში“, ხოლო კლინიკა „ბერტა პლიუს ფერტილიტის“ გინეკოლოგ-რეპროდუქტოლოგ-ენდოკრინოლოგმა - „ქალის ასაკი და უნაყოფობა“.

ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის ბიოლოგიის დეპარტამენტის ორგანიზებით მოეწყო ღონისძიება „ბიოლოგია და ხელოვნება“, სადაც მონაწილეობა მიიღეს ბიოლოგიის საგანმანათლებლო პროგრამის სტუდენტებმა. პირველი კურსის სტუდენტებმა წარმოადგინეს პროკარიოტული, მცენარეული და ცხოველური უჯრედების მოდელები, ხოლო ბიოლოგიის მეორე კურსის სტუდენტებმა შექმნეს კრეატიული მოდელები უჯრედული დაყოფის (მიტოზი, მეიოზი) გზების შესახებ.

11-13 დეკემბერს ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის სტუდენტებმა საქართველოს სხვადასხვა უნივერსიტეტის სტუდენტებთან ერთად მონაწილეობა მიიღეს ზამთრის სკოლაში. ახალგაზრდებმა შეისწავლეს ნარჩენების მართვის აქტუალური საკითხები, პრეზენტაციის მომზადების სპეციფიკა და აუდიტორიასთან კომუნიკაციის უნარ–ჩვევები. თებერვალში USAID/WMTR II პროგრამის ეგიდით სტუდენტები ჩაატარებენ სემინარებს აჭარის 6–12 კლასის საჯარო სკოლის მოსწავლეებისთვის ნარჩენების მართვის თანამედროვე მიდგომების შესახებ. ტრენინგის მონაწილეებს გადაეცათ სამახსოვრო საჩუქრები და სერტიფიკატები. ტრენინგი USAID/WMTR II-ის პროგრამის ფარგლებში გამართა კავკასიის გარემოსდაცვითი არასამთავრობო ორგანიზაციების ქსელმა CENN-მა.

ბათუმის შოთა რუსთაველის სახელმწიფო უნივერსიტეტის საბუნებისმეტყველო და ჯანდაცვის ფაკულტეტს ეწვივნენ ბათუმის ქართულ ფრანგული სკოლის და მე-16 საჯარო სკოლის მე-10, მე-11 კლასის მოსწავლეები. ვიზიტს ხელმძღვანელობდენენ ბიოლოგიის მასწავლებლები: ჟანა ჭითანავა და ქეთი ადამია. მოსწავლეებმა მოისმინეს ასოცირებული პროფესორის მარინა ნაგერვაძის მასტერ კლასი თემაზე: „რეპროდუქციული განათლება“. დისკუსიის შემდეგ მოსწავლეებმა შეძლეს მუდმივი და მშრალი პრეპარატების გამოყენებით სასქესო უჯრედების და ადრეული ემბრიონების ვიზუალიზაცია მიკროსკოპის საშუალებით.

ბათუმის შოთა რუსთაველის სახელმწიფო უნივერსიტეტში ქართულ-გერმანული სამეცნიერო-პრაქტიკული კონფერენცია გაიმართა თემაზე: „DURR Dental-ის აკადემიის მოწინავე ტექნოლოგიები და კონცეფციები პაროდონტიტის დაავადებების პროფილაქტიკასა და მკურნალობაში“. კონფერენციის მონაწილეები სტომატოლოგიის არსებულ სიახლეებსა და თანამედროვე სამკურნალო საშუალებებს გაეცნენ. ღონისძიება გერმანული კომპანიის DURR Dental-ის, საქართველოს სტომატოლოგთა პროფესიული ასოციაციის, ბათუმის შოთა რუსთაველის სახელმწიფო უნივერსიტეტის, თბილისის სახელმწიფო სამედიცინო უნივერსიტეტის, ქართულ-გერმანული იმპლანტაციის ცენტრ HBI-Dentimpant-სა და კომპანია Dentstal-ის ორგანიზებით ჩატარდა.