9 დეკემბერს, 17:00 საათზე, ბათუმის შოთა რუსთაველის სახელმწიფო უნივერსიტეტში, 32-ე აუდიტორიაში გაიმართება ჰუმანიტარულ მეცნიერებათა ფაკულტეტის ასოცირებული პროფესორის, ლიტერატურული პრემიის "საბას" ლაურეატ ნანა ტრაპაიძის წიგნის „ლიტერატურა ლიტერატურის შესახებ“ (2 ტ.) წარდგენა. ასოცირებული პროფესორი ნანა ტრაპაიძე 2021 წელსაც ლიტერატურული პრემიის „საბას“ ფინალისტია ნომინაციაში „საუკეთესო ლიტერატურული კრიტიკა".
3 დეკემბერს, 11:00 საათზე, Zoom-ის პლატფორმის საშუალებით, ბსუ-ს აკადემიური პერსონალისთვის გაიმართება „ერაზმუს+“-ის გაცვლითი პროგრამის პრეზენტაცია. ბსუ-ს „ერაზმუს+"-ის გაცვლითი პროგრამის კოორდინატორი, სტრატეგიული განვითარებისა და საგარეო ურთიერთობათა დეპარტამენტის უფროსის მოადგილე ნანა ყურშუბაძე გაცვლით პროგრამაში მონაწილეობის მსურველ პროფესორ-მასწავლებლებს კონკურსში მონაწილეობის პირობებს გააცნობს. გაცვლითი პროგრამა განხოციელდება კროსნოს, ბიალისტოკის, ვალენსიის ტექნოლოგიური, ზაარლანდისა და დუსელდორფის უნივერსიტეტებში.
2-10 დეკემბერს, ბათუმის შოთა რუსთაველის სახელმწიფო უნივერსიტეტში ადამიანის უფლებების სამართლის საუნივერსიტეტო კვირეული გაიმართება. ღონისძიება USAID-ის პროგრამის „კანონის უზენაესობის მხარდაჭერა საქართველოში“ (PROLoG) ეგიდით ტარდება და ითვალისწინებს საპარლამენტო დებატების ტურნირისა და საჯარო დისკუსიების გამართვას თემებზე: „თანასწორობის უფლება - არსებული პრაქტიკა და გამოწვევები“, „პანდემიის გავლენა ადამიანის უფლებათა მდგომარეობაზე“.
20 ნოემბერს, 12:00 საათზე, Zoom-ის პლატფორმის საშუალებით, ბსუ-ს აკადემიური პერსონალისთვის გაიმართება „ერაზმუს+“-ის გაცვლითი პროგრამის პრეზენტაცია სილეზიის ტექნოლოგიური უნივერსიტეტისა და ბიდგოშჩის უნივერსიტეტის (ჰუმანიტარულ მეცნიერებათა ფაკულტეტი) მიმდინარე კონკურსებისათვის.
ZOOM-ის პლატფორმის ბმული:https://us02web.zoom.us/j/5529839711?pwd=VHZHMDh5a3dLQnVMTWdKajhsYk4xQT09
13 ნოემბერს, 12:00 საათიდან 16:00 საათამდე ჩატარდება განათლების საერთაშორისო ონლაინ გამოფენა. ღონისძიებაზე წარმოდგენილი იქნება მსოფლიოს სხვადასხვა ქვეყნის უმაღლესი საგანმანათლებლო დაწესებულებების გაცვლითი პროგრამები, საზაფხულო სკოლები, სასტიპენდიო და საგრანტო პროგრამები, სტაჟირება და მოკლევადიანი სასწავლო კურსები. დაინტერესებულ პირებს ეძლევათ შესაძლებლობა, გაესაუბრონ უმაღლესი სასწავლებლების წარმომადგენლებს და მიიღონ ამომწურავი ინფორმაცია მათთვის საინტერესო ყველა კითხვაზე.
