კონფერენციები

2019 წლის 13 აპრილს, 10:00-13:00 საათზე, ბათუმის შოთა რუსთაველის სახელმწიფო უნივერსიტეტში გაიმართება მოსწავლეთა მეორე სამეცნიერო კონფერენცია თემაზე: „ახლო აღმოსავლეთი და საქართველო“. ერთდღიან კონფერენციაზე მოხსენებები წარმოდგენილი იქნება შემდეგი მიმართულებით: ახლო აღმოსავლეთისა და საქართველოს ისტორიული, ეთნოგრაფიული, არქეოლოგიური, კულტურული, ენობრივი და ლიტერატურული ურთიერთობების შესახებ.,

ივანე ჯავახიშვილის სახელობის თბილისის სახელმწიფო უნივერსიტეტის ქართველოლოგიური სკოლის ცენტრი შოთა რუსთაველის საქართველოს ეროვნული სამეცნიერო ფონდისა და ქართველოლოგიის მხარდამჭერთა საერთაშორისო ასოციაციის ფინანსური მხარდაჭერით აცხადებს კონკურსს „ზამთრის საერთაშორისო ქართველოლოგიური სკოლა – 2019-ის“ მონაწილეთა შესარჩევად. სკოლის მიზანია ქართველოლოგიით დაინტერესებული ახალგაზრდა ქართველი და უცხოელი კადრის მოზიდვა, მათი ცოდნის გაღრმავება, უახლესი ქართველოლოგიური სამეცნიერო კვლევების პოპულარიზაცია, სამეცნიერო საქმიანობის წარმართვის სტრატეგიათა გაცნობა, პროფესიულ უნარ-ჩვევათა განვითარება და ამაღლება.

20 ნოემბერს, 11:00 საათზე, ბათუმის შოთა რუსთაველის სახელმწიფო უნივერსიტეტში (#516 აუდიტორია) გაიმართება სამეცნიერო კონფერენცია „დემოკრატიული არჩევნები: საქართველოს დემოკრატიული რესპუბლიკის გამოცდილება და დღევანდელობა“. კონფერენცია საქართველოს პარლამენტისა და საქართველოს რესპუბლიკის მთავრობის მიერ, 1918 წლის 22 ნოემბერს მიღებული დებულების „დამფუძნებელი კრების არჩევნების“ 100 წლის იუბილეს ეძღვნება.