კონფერენციები

1-7 ოქტომბერს, ბათუმის სახელმწიფო უნივერსიტეტში ტარდება საერთაშორისო სკოლა - კონფერენცია ფუნქციურ მასალებზე თანამედროვე ტექნოლოგიებში. საერთაშორისო სკოლა -კონფერენცია ხორციელდება 2022 წლის მობილობისა და საერთაშორისო სამეცნიერო ღონისძიებების საგრანტო პროექტის (MG-ISE-22-330) დაფინანსებით, თბილისის სახელმწიფო უნივერსიტეტის ზუსტ და საბუნებისმეტყველო მეცნიერებათა და ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტების ორგანიზებით.

ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტი გიწვევთ მონაწილეობის მისაღებად საერთაშორისო სამეცნიერო კონფერენციაში „ეკონომიკისა და ბიზნესის გლობალური გამოწვევები და მდგრადი განვითარება“. კონფერენცია ბსუ-ს ეკონომიკისა და ბიზნესის ფაკულტეტის დაარსებიდან 25 წლის იუბილეს და მასში მონაწილეობა შეუძლიათ დოქტორანტებს, აკადემიურ პირებსა და მკვლევრებს.

ბათუმის შოთა რუსთაველის სახელმწიფო უნივერსიტეტის ჟან მონეს კათედრა ბაკალავრიატისა და მაგისტრატურის სტუდენტებს იწვევს საზაფხულო სკოლაში: „კონსტიტუციური დემოკრატია ევროკავშირში: თანამედროვე გამოწვევები და საქართველო“ მონაწილეობის მისაღებად. საზაფხულო სკოლა ორგანიზებულია ჟან მონეს კათედრის „ევროპის კავშირის ძირითადი ღირებულებები: დემოკრატია, კანონის უზენაესობა და ადამიანის უფლებების დაცვა" ფარგლებში, რომელიც დაფინანსებულია ევროკავშირის ერაზმუს + ჟან მონეს პროგრამის მიერ.

გაეროს ბავშვთა ფონდი 20-21 სექტემბერს სამცხე-ჯავახეთის სახელმწიფო უნივერსიტეტთან პარტნიორობითა და საქართველოს განათლებისა და მეცნიერების მინისტრის ეგიდით მართავს მესამე საერთაშორისო კონფერენციას საქართველოში, რომელიც ეძღვნება ბავშვთა უფლებების საკითხების ჩართვას საუნივერსიტეტო საგანმანათლებლო პროგრამებსა და კურიკულუმებში. კონფერენციაზე განხილული იქნება სახელმწიფო ენების სწავლების და ეთნიკური უმცირესობების განათლების აქტუალური საკითხები. ღონისძიების მიზანია შეიქმნას სივრცე ბავშვთა უფლებების პრინციპების სწავლა-სწავლებისთვის, გაძლიერდნენ შესაბამისი სპეციალისტები, რათა დაცულ იქნას ბავშვთა უფლებები ყოველდღიურად ოჯახებში, სკოლებსა და საზოგადოებაში.

11-12 ივნისს, ბათუმის შოთა რუსთაველის სახელმწიფო უნივერსიტეტში (სააქტო დარბაზი) გაიმართება პროექტის „ციფრული-სკოლა საქართველო” შემაჯამებელი კონფერენცია. პროექტი ესტონეთის საგარეო საქმეთა სამინისტროს დაფინანსებული პროექტია, რომელიც ესტონეთის წარმატებული გამოცდილების გაზიარებას ისახავს მიზნად განათლებაში ტექნოლოგიების ეფექტიანად დანერგვის უზრუნველსაყოფად. „ციფრული სკოლა - საქართველო” საქართველოს განათლებისა და მეცნიერების სამინისტროსთან თანამშრომლობით ხორციელდება ზოგადი განათლების მიმდინარე რეფორმასთან მჭიდრო კავშირში.