კონკურსები

საჯარო სამსახურის ეროვნული ბიურო იწყებს სტაჟირების სახელმწიფო პროგრამის მე-8 ნაკადის განხორციელებას. სტაჟირების კონკრეტულ ნაკადში მონაწილეობის მისაღებად კანდიდატმა უნდა განაცხადოს წერილობითი თანხმობა ბათუმის შოთა რუსთაველის სახელმწიფო უნივერსიტეტში, 308-ე ოთახში რეგისტრაციის დაწყებამდე არაუგვიანეს ერთი თვისა. პროგრამაში მონაწილეობის მიღება შეუძლია ბსუ-ს დამამთავრებელი კურსის სტუდენტს, მაგისტრანტს, დოქტორანტს ან ბაკალავრის კურსდამთავრებულს (დასრულებიდან არ უნდა იყოს გასული 2 წელიწადზე მეტი).

ფიტოპათოლოგიისა და ბიომრავალფეროვნების ინსტიტუტის გამძლეობის გენეტიკის განყოფილების უფროსი მეცნიერ თანამშრომლისა და ნიკო ბერძენიშვილის ინსტიტუტის ისტორიისა და არქეოლოგიის განყოფილების უფროსი მეცნიერი თანამშრომლის ვაკანტური თანამდებობების დასაკავებელი ღია კონკურსის გამარჯვებულები არიან: ქეთინო ნაცარიშვილი და ირინე ვარშალომიძე.

სსიპ – ბათუმის შოთა რუსთაველის სახელმწიფო უნივერსიტეტის წარმომადგენლობითი საბჭოს 2016 წლის 9 მარტის №4 გადაწყვეტილების საფუძველზე, დაიწყო 2017-2018 სასწავლო წლის მე-2 სემესტრში სპეციალური სასწავლო სოციალური პროგრამის – „სტუდენტთა შეღავათები სწავლის საფასურში“ განხორციელება.
კონკურსში მონაწილეობის მიღება შეუძლიათ საქართველოს მოქალაქეობის მქონე, ბსუ-ს უმაღლესი აკადემიური განათლების პირველი საფეხურის სტუდენტებს, ხოლო შეზღუდული შესაძლებლობის მქონე აკადემიური უმაღლესი განათლების სამივე საფეხურის სტუდენტებს, სწავლების მე-2 სემესტრიდან.