განცხადებები

გარდაიცვალა ბათუმის შოთა რუსთაველის სახელმწიფო უნივერსიტეტის ემერიტუს-პროფესორი ვაჟა ჩანტლაძე. ღვაწლმოსილმა პროფესორმა მნიშვნელოვანი წვლილი შეიტანა მომავალი თაობების აღზრდასა და სტომატოლოგიის განვითარებაში. ვაჟა ჩანტლაძის ხელმძღვანელობით ბსუ-ში შეიქმნა საბუნებისმეტყველო მეცნიერებათა და ჯანდაცვის ფაკულტეტის სტომატოლოგიის კათედრა და შემდგომ დეპარტამენტი. იგი ავტორია 100-მდე სამეცნიერო ნაშრომისა და სახის რბილი ქსოვილების თავისუფალი პლასტიკის ახალი მეთოდების ფუძემდებელი.

დევნილთა პროფესიული განათლების ხელშეწყობის პროგრამით სარგებლობის მსურველთა განაცხადების მიღება 19 ნოემბერს დაიწყო და 21 დეკემბრის ჩათვლით გაგრძელდება. საარსებო წყაროებით უზრუნველყოფის სააგენტო სახელმწიფო პროფესიულ საგანმანათლებლო დაწესებულებებში 2017-2019 წლებში ჩარიცხულ ყველა დევნილს, სწავლის პერიოდში, ტრანსპორტირების ხარჯებს დაუფინანსებს.

22 ნოემბერს, 09:00-11:00 საათზე, 415-ე აუდიტორიაში ბათუმის შოთა რუსთაველის სახელმწიფო უნივერსიტეტის აკადემიური/ადმინისტრაციული პერსონალის, სამეცნიერო-კვლევითი ინსტიტუტების მეცნიერ-თანამშრომლების, საათობრივი ანაზრაურების წესით მოწვეული პერსონალისა და სხვა მსურველებისათვის ჩატარდება ინგლისური ენის ცოდნის დონის განმსაზღვრელი ტესტირება. ტესტირება არ ეხება იმ პერსონალს, ვინც 2018 წელს უკვე ირიცხებოდა ინგლისური ენის ჯგუფებში.