განცხადებები

ძვირფასო პირველკურსელებო, ბათუმის შოთა რუსთაველის სახელმწიფო უნივერსიტეტი ითვალისწინებს ქვეყანაში შექმნილ ეპიდვითარებას და პირველკურსელთა რეგისტრაციას აგრძელებს. ბსუ-ში ჩარიცხვის მქონე აბიტურიენტებს რეგისტრაციის (ხელშეკრულების გაფორმება და პირადი საქმის გახსნა) გავლა შეუძლიათ 18 სექტემბრის ჩათვლით, 10:00 საათიდან 17:00 საათამდე, შემდეგ მისამართზე: ქ. ბათუმი, ნინოშვილის N35/რუსთაველის ქ. №32 (შესასვლელი ბულვარის მხრიდან), ბსუ-ს II კორპუსი, I სართული, მცირე სპორტული დარბაზი.

ბათუმის შოთა რუსთაველის სახელმწიფო უნივერსიტეტი 2020-2021 სასწავლო წელისათვის დამატებით აცხადებს მიღებას მაგისტრატურის საგანმანათლებლო პროგრამებზე. მაგისტრანტობის კანდიდატთა რეგისტრაცია იწარმოებს მაგისტრატურის მიმღებ კომისიაში, 2020 წლის 17-18 სექტემბერს, 10:00 საათიდან 17:00 საათამდე შემდეგ მისამართზე: ქ. ბათუმი, ნინოშვილის ქუჩა №35, 1-ლი კორპუსი, ოთახი №19.

ქვეყანაში შექმნილი ეპიდემიური სიტუაციის გათვალისწინებით, „ერაზმუს+“-ის გაცვლითი პროგრამის ფარგლებში ვალენსიის ტექნოლოგიურ უნივერსიტეტში სწავლის მსურველი რეგისტრირებული სტუდენტების ტესტირება და გასაუბრება ინგლისურ ენაში გადაიდო. ინფორმაცია კონკურსის ჩატარების შესახებ განთავსდება ბთუმის შოთა რუსთაველის სახელმწიფო უნივერსიტეტის ვებგვერდზე: bsu.edu.ge

ბათუმის შოთა რუსთაველის სახელმწიფო უნივერსიტეტის შემოდგომის სემესტრში აკადემიური უმაღლესი განათლების სამივე საფეხურის საგანმანათლებლო პროგრამების სტუდენტები 2020-2021 სასწავლო წელს სწავლის სემესტრულ საფასურს გადახდიან (ადმინისტრაციული რეგისტრაცია) სამ ეტაპად.

კორონავირუსთან დაკავშირებით მოქმედი უწყებათაშორისი საკოორდინაციო საბჭოსა და ბსუ-ს ადმინისტრაციის გადაწყვეტილებით, ბათუმის შოთა რუსთაველის სახელმწიფო უნივერსიტეტში სასწავლო პროცესი, სწავლების სამივე საფეხურზე, როგორც დისტანციურ, ასევე სააუდიტორიო ფორმატში განახლდება 1-ლი ოქტომბრიდან. უცვლელი რჩება სტუდენტთა ადმინისტრაციული და აკადემიური რეგისტრაციის ვადები.