განცხადებები

ბათუმის შოთა რუსთაველის სახელმწიფო უნივერსიტეტში 2022-2023 სასწავლო წელი დაიწყება 2022 წლის 19 სექტემბერს (საფუძველი: ბსუ-ს აკადემიური საბჭოს 2022 წლის 29 ივლისის №06-01/55 დადგენილება). 2022-23 სასწავლო წლის შემოდგომის სემესტრის აკადემიური რეგისტრაცია ან/და ცვლილებების შეტანა უნდა დასრულდეს 2022 წლის 18 სექტემბერს.

გაცნობებთ, რომ საჯარო სამსახურის ბიურო იწყებს სტაჟირების სახელმწიფო პროგრამის მე-17 ნაკადს. სტაჟირების სახელმწიფო პროგრამაში მონაწილეობის მისაღებად აუცილებელია, სტაჟიორობის კანდიდატმა განაცხადოს თანხმობა სტაჟირების კონკრეტულ ნაკადში მონაწილეობის თაობაზე შესაბამის უმაღლეს საგანმანათლებლო დაწესებულებაში, იმ სარეგისტრაციო ბლანკზე ხელმოწერით რომელიც წარმოდგენილია სტაჟირების ეროვნული ბიუროს მიერ.