2023 წლის ერთიანი ეროვნული გამოცდების შედეგად ბათუმის შოთა რუსთველის სახელმწიფო უნივერსიტეტში ჩარიცხვის უფლებამოპოვებული აბიტურიენტების რეგისტრაცია (პირადი დოკუმენტაციის წარმოდგენა, ხელშეკრულების გაფორმება და პირადი საქმის გახსნა) განხორციელდება 2023 წლის 6 სექტემბრიდან 16 სექტემბრის ჩათვლით, 10:00 საათიდან 17:00 საათამდე.
ბათუმის შოთა რუსთაველის სახელმწიფო უნივერსიტეტი აცხადებს მიღებას რეზიდენტურის ალტერნატიული დიპლომისშემდგომი განათლების სარეზიდენტო პროგრამებზე: სარეზიდენტო პროგრამა - „ორთოპედიული სტომატოლოგია“, პროგრამის ხანგრძლივობა (15 თვე) და მომიჯნავე სპეციალობაში გადამზადების პროგრამა „ორთოპედიული სტომატოლოგია“, პროგრამის ხანგრძლივობა (6 თვე).
ბათუმის შოთა რუსთაველის სახელმწიფო უნივერსიტეტი 2023-2024 სასწავლო წლისათვის აცხადებს მიღებას შემდეგ სამაგისტრო საგანმანათლებლო პროგრამებზე - დანართი 1
მაგისტრატურაში სწავლის გაგრძელების უფლება აქვთ ბაკალავრის ან მასთან გათანაბრებული აკადემიური ხარისხის მქონე პირებს. მიღების წინაპირობები განსაზღვრულია შესაბამისი მაგისტრატურის საგანმანათლებლო პროგრამით (ინფორმაცია მაგისტრატურის საგანმანათლებლო პროგრამების და სპეციალობაში მისაღები გამოცდის თემატიკა იხილეთ შესაბამისი ფაკულტეტის ვებგვერდზე, ველში „საგანმანათლებლო პროგრამები“).
