ბერლინის ტექნიკისა და ეკონომიკის უმაღლეს სკოლასთან მემორანდუმი გაფორმდა
ბათუმის შოთა რუსთაველის სახელმწიფო უნივერსიტეტს ეწვევნენ ბერლინის ტექნიკისა და ეკონომიკის უმაღლესი სკოლის (HTW Berlin) წარმომადგენლები: პროფესორი მირკო ბარზი და საერთაშორისო სამსახურის უფროსი კლაუს ლანგი. ვიზიტი განხორციელდა გერმანიის აკადემიური გაცვლის სააგენტოს (DAAD) მიერ დაფინანსებული გრანტის Fact Finding Missions (2025) ფარგლებში. პროექტი მიზნად ისახავს მდგრადი განვითარების მიზნების იმპლემენტაციის შესაძლებლობების შესწავლას ადგილობრივ დონეზე და საერთაშორისო სამეცნიერო პროექტის განაცხადის მომზადებას.
