საქართველოში თურქეთის რესპუბლიკის  საელჩოს მრჩეველი განათლების საკითხებში, დოქტორი, პროფესორი სუათ ქოლუქირიქი ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის აღმოსავლეთმცოდნეობის დეპარტამენტში სტუმრად იმყოფებოდა. პროფესორი სუათ ქოლუქირიქი შეხვდა დეპარტამენტის პროფესორ-მასწავლებლებს, ფაკულტეტის დეკანს. შეხვედრაზე გამახვილდა ყურადღება თურქოლოგიის მიმართულებით ახალ პროექტებსა და თანამშრომლობის სამომავლო გეგმებზე.