ბათუმის შოთა რუსთაველის სახელმწიფო უნივერსიტეტს სამუშაო ვიზიტით ეწვივნენ გაეროს განვითარების პროგრამის (UNDP) წარმომადგენლები: „პროფესიული გადამზადებისა და ექსტენციის თანამედროვე სისტემების დანერგვა საქართველოს სოფლის მეურნეობაში“ პროექტის მენეჯერი კონსტანტინე კობახიძე და პროფესიული განათლების განვითარების კონსულტანტი მამუკა მათიაშვილი.
შეხვედრას ესწრებოდნენ ბსუ-ს რექტორის მოადგილე პროფესორი თამარ სირაძე, ბსუ-ს ადმინისტრაციის ხელმძღვანელი ალექსანდრე მითაიშვილი, ბსუ-ს საფინანსო ეკონომიკური დეპარტამენტის უფროსი გურამ გვარიშვილი, პროფესიული პროგრამების მართვისა და უწყვეტი განათლების ცენტრის დირექტორი მადონა მიქელაძე და ცენტრის პერსონალი.
შეხვედრაზე განიხილეს გაეროს განვითარების პროგრამის მიერ ბსუ-ს პროფესიული საგანმანათლებლო პროგრამების - „მებაღეობა“ და „სატყეო საქმე“ განხორციელებისათვის საჭირო აღჭურვილობის შეძენა/მოწოდების საკითხები.
გაეროს განვითარების პროგრამა საქართველოში აქტიურად თანამშრომლობს საქართველოს მთავრობასთან პროფესიული სწავლების განვითარებასა და ხელშეწყობაში. სხვა მრავალ უკვე არსებულ აქტივობებთან ერთად, ერთ-ერთი ახალი აქტივობაა პროფესიული სასწავლებლებისათვის ავტორიზაციის სტანდარტების დაკმაყოფილების მიზნით, ტექნიკური აღჭურვილობის შეძენა.
| უკან |
