8-12 მაისს ,,ერაზმუს+“-ის გაცვლითი პროგრამის აკადემიური მობილობის ფარგლებში, ბათუმის შოთა რუსთაველის სახელმწიფო უნივერსიტეტის ასოცირებული პროფესორი ხათუნა დიასამიძე შჩეცინის უნივერსიტეტის ისტორიის ინსტიტუტში იმყოფებოდა. ასოცირებული პროფესორი ხათუნა დიასამიძე დაესწრო პროფესორ შუდარეკის სალექციო შეხვედრებს და ჩაატარა ლექციები ისტორიის საგანმანათლებლო პროგრამის მეორე კურსის სტუდენტებისათვის თემებზე: „მეორე მსოფლიო ომის გაჩაღების საკითხი ქართულ ისტორიოგრაფიაში“ და „პოლონელთა როლი საქართველოს დამოუკიდებლობისათვის ბრძოლაში (1918-1921).
