დღეს, ბათუმის შოთა რუსთაველის სახელმწიფო უნივერსიტეტს საფრანგეთის საელჩოს ატაშე საუნივერსიტეტო და სამეცნიერო საკითხებში   ტერი ბურტე  და მონპელიეს უნივერსიტეტის ტურიზმის ფაკულტეტის ხელმძღვანელი ჰერვე შაპერტი ეწვივნენ.  სტუმრებმა შეხვედრები ბსუ-ს რექტორთან მერაბ ხალვაშთან და ტურიზმის ფაკულტეტის წარმომადგენლებთან  გამართეს.

ვიზიტის მიზანი ბსუ-ს ტურიზმის ფაკულტეტსა და საფრანგეთის მონპელიეს უნივერსიტეტს შორის საბაკალავრო და სამაგისტრო ერთობლივი პროგრამების განხორციელება იყო.  შეხვედრისას ყურადღება გამახვილდა  სტუდენტებისა  და პროფესორ-მასწავლებლების გაცვლით პროგრამებზე, ორმაგი დიპლომების ამოქმედებასა და მენეჯმენტის მიმართულების სადოქტორო პროგრამების ორმაგი ხარისხის მინიჭებაზე.