ბათუმის შოთა რუსთაველის სახელმწიფო უნივერსიტეტს რუსეთის ტურიზმისა და სერვისების სახელმწიფო უნივერსიტეტის დელეგაცია სტუმრობს.დელეგაციის ვიზიტის ფარგლებში  ორ უმაღლეს სასწავლებლებს შორის თანამშრომლობის მემორანდუმს მოეწერა ხელი.

თანამშრომლობა  ბსუ-ს ტურიზმის ფაკულტეტსა და რუსეთის ტურიზმის უმაღლეს სასწავლებელს შორის  სამეცნიერო-პრაქტიკული კონფერენციების  ორგანიზებას, სტუდენტებისა და ლექტორ-მასწავლებლებისათვის მობილობის განხორციელებას და საზაფხულო სკოლების ერთობლივად ორგანიზებას ითვალისწინებს. აგრეთვე, განისაზღვრა ერთობლივი სამეცნიერო კვლევების ჩატარება მდგრადი ტურიზმის მიმართულებით.

ორდღიანი ვიზიტის ფარგლებში დელეგაციის წევრები აჭარის ტურისტულ პოტენციალს გაეცნობიან.