31 მაისს -6 ივნისს „ერაზმუს+“-ის აკადემიური პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში ვიტაუტას მაგნუს უნივერსიტეტის საბუნებისმეტყველო მეცნიერებათა ფაკულტეტის გარემოს დაცვის დეპარტამენტის ასოცირებული პროფესორი გიედრე კასიენე იმყოფებოდა.  ასოცირებულმა პროფესორმა გიედრე კასიენემ ბსუ-ს საბუნებისმეტყველო მეცნიერებათა და ჯანდაცვის ფაკულტეტის სტუდენტებისთვის საჯარო ლექცია წაიკითხა თემებზე: გარემოს ბიოინდიკატორები, ბიოგეოქიმიური ციკლი დ გარემოს ეკოლოგია.

ვიზიტის ფარგლებში ასოცირებულმა პროფესორმა გიედრე კასიენემ ბსუ-ს საბუნებისმეტყველო მეცნიერებათა და ჯანდაცვის ფაკულტეტის ბიოლოგიისა და ეკოლოგიის ლექტორ-მასწავლებლებთან და სტუდენტებთან ერთად მონაწილეობა მიიღო  შემეცნებით ეკოტურში მაჭახელას ეროვნულ პარკში, რომელიც ჩატარდა 5 ივნისს გარემოს დაცვის  საერთაშორისო დღის აღსანიშნავად.

ასოცირებული პროფესორი გიედრე კასიენე ასევე შეხვდა ბსუ-ს სტრატეგიული განვითარებისა და საგარეო ურთიერთობათა დეპარტამენტის წარმომადგენლებს.