„ერაზმუს+“-ის გაცვლითი პროგრამის კონკურსი ბსუ-ს პერსონალისთვის

ბათუმის შოთა რუსთაველის სახელმწიფო უნივერსიტეტი ბსუ-ს პერსონალისთვის აცხადებს ევროკომისიის მიერ დაფინანსებული „ერაზმუს+“-ის გაცვლითი პროგრამის კონკურსს ვიძემის გამოყენებითი მეცნიერებების უნივერსიტეტისთვის (ლატვია) „საერთაშორისო კვირეული 2024“ -ში "Shaping Minds: The Intersection of Deep Tech and Modern Education " მონაწილეობის მისაღებად. კვირეული გაიმართება 2024 წლის 16-20 სექტემბერს.

კვირეულში მონაწილეობისთვის კანდიდატმა უნდა შესთავაზოს მიმღებ უნივერსიტეტს ლექცია, სემინარი ან ვორქშოპი;

მიმართულება - ტურიზმი;

ადგილების რაოდენობა - 2;

მოთხოვნილი ენა - ინგლისური B2.

კონკურსში მონაწილეობის პირობები:

· კანდიდატი უნდა იყოს ბსუ-ს აკადემიური/ადმინისტრაციული პერსონალი/მოწვეული მასწავლებელი რომელიც არის ჩართული ბსუ-ს  სასწავლო პროცესში არანაკლებ 3 წლისა;

· კანდიდატმა უნდა წარმოადგინოს უცხო ენის ცოდნის დამადასტურებელი დოკუმენტი.

  საბუთები პერსონალისთვის:

• პირადობის მოწმობის/საერთაშორისო პასპორტის ასლი;
• ცნობა სამსახურიდან დაკავებული თანამდებობის თაობაზე (ქართულ ენაზე);
• უცხო ენის ცოდნის დამადასტურებელი სერთიფიკატი მიმღები უნივერსიტეტის მოთხოვნის შესაბამისად (უცხო ენის ცოდნის დამადასტურებელი საერთაშორისო სერტიფიკატის არქონის შემთხვევაში ტესტირებაში მონაწილეობის მსურველებმა უნდა დაწერონ განცხადება რექტორის სახელზე საქმისწარმოების ელექტრონული წარმოების eflow-ს ან info@bsu.edu.ge -ის მეშვეობით არაუგვიანეს 2024 წლის 10 ივნისისა)
• Europass CV (ინგლისურ ენაზე);
• კანდიდატის მიერ შემუშავებული აკადემიური/ადმინისტრაციული საქმიანობის გეგმა მიმღები უნივერსიტეტისთვის (ინგლისურ ენაზე);

კონკურსის ეტაპები პერსონალისთვის:

I ეტაპი

2024 წლის 05 ივნისიდან - 12 ივნისამდე (15:00 საათამდე)

საბუთების წარმოდგენა დადგენილი წესისა და ვადის შესაბამისად:

აკადემიური/ადმინისტრაციული პერსონალისთვის: ელექტრონულ ბმულზე  https://registration.bsu.ge/Registration-1.php    და   საქმისწარმოების ელექტრონული წარმოების eflow-ს მეშვეობით;

მოწვეული მასწავლებლებისთვის ელექტრონულ ბმულზე https://registration.bsu.ge/Registration-2.php  და ელ.ფოსტაზე  info@bsu.edu.ge

II ეტაპი

გასაუბრება - 2024  წლის 13 ივნისი

სტიპენდია პერსონალისთვის ითვალისწინებს მგზავრობისა და დღიური ხარჯების ანაზღაურებას.

არ ანაზღაურებს  საერთაშორისო დაზღვევას.

არასრულად წარმოდგენილი საბუთები არ განიხილება!

დამატებითი კითხვების შემთხვევაში მოგვმართეთ შემდეგ ელმისამართზე: erasmus@bsu.edu.ge