ამერიკის სავაჭრო პალატა საქართველოში (AmCham) და მაკლეინის ორგანიზაცია ბავშვებისთვის (MAC Georgia) იწყებს სასტიპენდიო პროგრამას საქართველოს უნივერსიტეტში ჩაბარების მსურველთათვის. 30-მდე სტუდენტს ბაკალავრიატის საფეხურზე სწავლის საფასურსა და ცხოვრების ხარჯებს დაუფინანსებს ოთხი წლის განმავლობაში. 2250 ლარი წელიწადში სწავლის საფასურისთვის, ხოლო – 2 100 ლარი საცხოვრებლის ხარჯებისთვის.
კრიტერიუმები:
სასტიპენდიო პროგრამაში მონაწილეობისათვის სტუდენტი უნდა აკმაყოფილებდეს შემდეგ კრიტერიუმებს:
- წარმოადგენს მიზნობრივი სოციალური დახმარებით მოსარგებლე ოჯახის წევრს და გააჩნია 70 000 ან ნაკლები სოციალური ქულა
- ჩაბარებული აქვს ერთიანი ეროვნული გამოცდები და ჩარიცხულია სახელმწიფო უნივერსიტეტში (თბილისი ან რეგიონი)
- გააჩნია ინგლისური ენის საბაზისო ცოდნა და სურს მისი გაუმჯობესება
- სურს აშშ-ის სავაჭრო პალატის წევრებთან ურთიერთობა და გააჩნია საკუთარი პიროვნული ღირებულებები, რომლებიც ეფუძნება დემოკრატიის პრინციპებს, შეკრების, სიტყვის და გამოხატვის თავისუფლების, ადამიანის უფლებებსა და საქართველოს დასავლურ ორიენტაციას.
განაცხადის წამოდგენის ვადები:
- განაცხადი მიიღება ონლაინ - 8 სექტემბრამდე
- იხილეთ ლინკი: https://shorturl.at/jlpzT
- ასევე განცხადებები მიიღება ელფოსტის საშუალებით : https://shorturl.at/juwK5
- scholarships@amcham.ge
დაინტერესებულმა პირებმა უნდა შეავსონ განაცხადის ფორმა და ატვირთონ შემდეგი დოკუმენტები:
- განაცხადის ფორმა
- ერთიანი ეროვნული გამოცდების შედეგების ამსახველი გვერდის ამობეჭდილი ვერსია და აბიტურიენტის საიდენტიფიკაციო კოდი
- მიზნობრივი სოციალური დახმარების ქულის ამსახველი დოკუმენტი - გასული ორი თვის ვადით და ბეჭედით დამოწმებული ( 70 000 ან ნაკლების სოციალური ქულა)
- სამოტივაციო წერილი ქართულ ენაზე, არა უმეტეს 500 სიტყვისა სადაც განმცხადებელმა უნდა აღწეროს თუ რატომ სურს არჩეულ საუნივერსიტეტო პროგრამაზე სწავლა და ასევე რატომ სურს შემოუერთდეს ამერიკის სავაჭრო პალატის ქსელს.
გასაუბრება 14-15 სექტემბერი - თბილისი
შედეგები ცნობილი იქნება 22 სექტემბერს.
| უკან |
