თბილისში, 18 ნოემბერს, 10:00 საათიდან 18:00 საათამდე ექსპო ჯორჯიას მესამე პავილიონში გაიხსნება გამოფენა Start in Georgia. გამოფენაზე წარმოდგენილი იქნება ის ორგანიზაციები, რომლებიც მომავალ და უკვე არსებულ მეწარმეებს უჭერენ მხარს და სთავაზობენ სხვადასხვა სახის პროექტს, კერძოდ: დაფინანსების მოპოვება, საინვესტიციო პროგრამები,საკონსულტაციო, იურიდიული, ტექნიკური და სხვა ისეთი სერვისები, რომლებიც საჭიროა ბიზნესის დაწყებისა და განვითარებისათვის.
ბათუმის შოთა რუსთაველის სახელმწიფო უნივერსიტეტი აცხადებს მიღებას შემდეგ პროფესიულ საგანმანათლებლო პროგრამებზე: მეფუტკრე (III საფეხური), ვებპროგრამისტი (V საფეხური), ვებინტერფეისის დეველოპერი (III საფეხური), ვებინტერფეისის დიზაინერი (III საფეხური), ელექტრონული და ციფრული მოწყობილობების დიაგნოსტიკოს-შემკეთებელი (III საფეხური), ბუღალტერ-ტექნიკოსი (III საფეხური), ბაგა-ბაღის აღმზრდელი პედაგოგი (V საფეხური), პრაქტიკოსი ექთანი (V საფეხური), ფარმაცევტის თანაშემწე (IV საფეხური), ბიბლიოთეკარი (IV საფეხური), კორესპონდენტი (III საფეხური), არქიტექტორ-ტექნიკოსი (IV საფეხური) (მოდულური პროგრამა), მშენებლობის მწარმოებელი (IV საფეხური), სარესტორნო საქმისწარმოება (III საფეხური), კომპიუტერული ქსელებისა და სისტემების ტექნიკოსი (III საფეხური)
