საარსებო წყაროებით უზრუნველყოფის სააგენტო პროფესიული განათლების მიღების ხელშეწყობის მიზნით ახორციელებს „დევნილთა პროფესიული განათლების ხელშეწყობის პროგრამას“. 2017-2020 წლებში სახელმწიფო პროფესიულ საგანმანათლებლო დაწესებულებაში ჩარიცხულ დევნილებას და ეკომიგრანტებს სააგენტო პროგრამის ფარგლებში აუნაზღაურებს საცხოვრებელი ადგილიდან საგანმანათლებლო დაწესებულებამდე და პირიქით, გადაადგილების ხარჯს.
გაეროს განვითარების პროგრამის (UNDP) „პროფესიული გადამზადებისა და ექსტენციის თანამედროვე სისტემების დანერგვა საქართველოს სოფლის მეურნეობაში“ პროექტის ფარგლებში, ბათუმის შოთა რუსთაველის სახელმწიფო უნივერსიტეტს პროფესიული საგანმანათლებლო პროგრამების - „მებაღეობა“ და „სატყეო საქმე“ განხორციელებისათვის სასოფლო-სამეურნეო და კომპიუტერული ტექნიკა გადაეცა. გაეროს განვითარების პროგრამა საქართველოში პროფესიული სწავლების განვითარებაში და ხელშეწყობის მიზნით აქტიურად თანამშრომლობს საქართველოს მთავრობასთან.
ბათუმის შოთა რუსთაველის სახელმწიფო უნივერსიტეტში პროფესიულ საგანმანათლებლო პროგრამებზე სასწავლო პროცესი დისტანციურ რეჟიმში დაიწყო. 2020 წლის პროფესიული ტესტირების შედეგად, ბსუ-ს 7 პროფესიულ საგანმანათლებლო პროგრამაზე 104 სტუდენტი ჩაირიცხა. პროფესიული პროგრამების მართვისა და უწყვეტი განათლების ცენტრის ადმინისტრაცია სასწავლო პროცესის დაწყებამდე პროფესიული საგანმანათლებლო პროგრამების განმახორციელებელ პერსონალს, სტუდენტებს შეხვდა და პროგრამების განხორციელების დეტალები გააცნო. სასწავლო პროცესის დისტანციურად წარმართვის უზრუნველყოფის მიზნით, პროფესიული პროგრამების განმახორციელებელმა პერსონალმა და საგანმანათლებლო პროგრამების ხელმძღვანელებმა ცვლილებები შეიტანეს სასწავლო გეგმებში.
აშშ-ის საერთაშორისო განვითარების სააგენტოს (USAID) საბაზისო განათლების ტრენერთა ტრენინგი დაიწყო. ოთხწლიანი პროგრამის ფარგლებში, პარტნიორი ორგანიზაციების - რვა უნივერსიტეტისა და ორი არასამთავრობო ორგანიზაციის 115 ტრენერისთვის ონლაინ ტრენინგი მიმდინარეობს. 8-დღიანი ტრენინგის დასრულების შემდეგ, ტრენერები პროფესიული განვითარების მრავალფეროვან აქტივობებს ჩაატარებენ საქართველოს 2075 საჯარო დაწყებით სკოლაში დირექტორებისა და 23 064 მასწავლებლისათვის.
