ეროვნული სამეცნიერო ბიბლიოთეკა ღია მეცნიერების პოპულარიზაციისა და მეცნიერთა ხელშეწყობის მიზნით, ატარებს ქუინსლენდის უნივერსიტეტის მიერ შემუშავებულ კონკურსს: „თეზისი სამ წუთში". სამეცნიერო კვლევითი ნაშრომების კონკურსის ფარგლებში მონაწილემ 3 წუთში ერთი სლაიდით უნდა შეძლოს კვლევითი ნაშრომის ყველაზე მნიშვნელოვანი ასპექტების პრეზენტაცია.
გამოცხადდა შოთა რუსთაველის ეროვნული სამეცნიერო ფონდისა და იულიხის კვლევითი ცენტრის ერთობლივი კვლევით-საგანმანათლებლო პროგრამა მაგისტრანტებისა და დოქტორანტებისთვის. პროგრამის მიზანია, შესაძლებლობა მისცეს ქართველ სტუდენტებს, შეასრულონ სამაგისტრო/სადოქტორო ნაშრომთან დაკავშირებული კვლევები, როგორც ფუნდამენტური, ასევე გამოყენებითი მიმართულებით, მსოფლიოში ცნობილ იულიხის კვლევითი ცენტრის ბაზაზე. ამასთან, პროგრამამ ხელი უნდა შეუწყოს გერმანულ მხარეს, მიიზიდოს საქართველოს უნივერსიტეტებიდან საუკეთესო სტუდენტები და ჩართოს ისინი სამაგისტრო/სადოქტორო პროგრამების ფარგლებში მიმდინარე სამეცნიერო საქმიანობაში.
ბერლინის თავისუფალი უნივერსიტეტიაცხადებს კონკურსს სასწავლო სტიპენდიებზე, რაც ასევე აკადემიურ სექტორში დასაქმების შესაძლებელობას იძლევა. სასწავლო სტიპენდიები მოიცავს მაგისტრატურისა და დოქტორანტურის საფეხურის სასტიპენდიო პროგრამებს შემდეგი მიმართულებებით: მუსლიმთა კულტურა და საზოგადოება, ანტიკური ხანისა და აღმოსავლეთ-აზიის სწავლება, ბიოლოგია. დეტალურ ინფორმაციას ბერლინის თავისუფალი უნივერსიტეტის მიერ გამოცხადებული სასტიპენდიო პროგრამებისა და ვაკანსიების შესახებ გაეცანით დანართში.
შოთა რუსთაველის საქართველოს ეროვნული სამეცნიერო ფონდი გიწვევთ Caliper - ისა და LeTSGEPs H2020 – ის პროექტების შემაჯამებელი კონფერენციაში მონაწილეობის მისაღებად. კონფერენცია ინკლუზიური კვლევისა და ინოვაციების ეკოსისტემები: გენდერული თანასწორობის მდგრადი გზა - „Inclusive Research & Innovation Ecosystems: A sustainable way forward for Gender Equality გაიმართება 23 ნოემბერს ჰიბრიდულ ფორმატში. დეტალური ინფორმაცია კონფერენციისა და რეგისტრაციის შესახებ იხილეთ ბმულზე.
იაპონიის საერთაშორისო თანამშრომლობის სააგენტო აცხადებს მიღებას გრძელვადიან საგანმანათლებლო პროგრამაზე "Agricultural Studies Network for Food Security (Agri-Net)". პროგრამა ითვალისწინებს იაპონიის უნივერსიტეტებში სამაგისტრო და სადოქტორო საფეხურზე სწავლებას. დაინტერესებულ პირთათვის განაცხადის წარდგენის ბოლო ვადაა 2023 წლის 25 ოქტომბერი. დეტალურ ინფორმაციას პროგრამის შესახებ გაეცანით დანართში.
