2024 წლის 8-9 თებერვალს, საქართველოს ეროვნულ უნივერსიტეტში, SEU-ში ევროპული ინტეგრაციის კვლევითი ცენტრის ორგანიზებით და ლაზარსკის უნივერსიტეტის (პოლონეთი) თანაორგანიზებით მეოთხედ იმართება გაიმართება საერთაშორისო სამეცნიერო კონფერენცია „ტრანსფორმაცია გარდამავალ პერიოდში: ევროპული ინტეგრაცია და აღმოსავლეთ პარტნიორობის ინიციატივა". კონფერენციის მიზანია, სამუშაო თემატიკით განსზღვრული საკითხების ირგვლივ თავი მოუყაროს ადგილობრივ და საერთაშორისო მკვლევარებს, პრაქტიკოსებს, პოლიტიკის განმსაზღვრელ და სხვა დაინტერესებულ პირებს, რათა მათ შესაძლებლობა მიეცეთ წარმოადგინონ თავიანთი შეხედულებები და ჩაერთონ მნიშვნელოვან სამეცნიერო დისკუსიებში.

7 დეკემბერს მართვისა და კომუნიკაციის საერთაშორისო სასწავლო უნივერსიტეტის ალტერბრიჯის ორგანიზებით, იმართება მე-4 სამეცნიერო კონფერენცია თემაზე: „ხელოვნური ინტელექტი მართვასა და კომუნიკაციაში”. კონფერენციაში მონაწილეობა შეუძლიათ უმაღლესი საგანმანათლებლო დაწესებულებების აკადემიურ პერსონალს, კვლევითი ცენტრების/ინსტიტუტების წარმომადგენლებს, ახალგაზრდა მკვლევრებსა და დარგის სპეციალისტებს.

2023 წლის 6-10 ნოემბერს ფრანგულ-ქართულ უნივერსიტეტში გაიმართება პირველი საშემოდგომო სკოლა თემაზე: „კავკასია: გადასახლებისა და მიგრაციის ტერიტორია თანამედროვე ომების კონტექსტში“. სკოლის მიზანია შეკრიბოს ჰუმანიტარულ და სოციალურ მეცნიერებათა ფაკულტეტის (სოციოლოგია, პოლიტოლოგია, საერთაშორისო ურთიერთობები, ისტორია, გეოგრაფია, სამართალი და ა.შ.) ფრანგი, ქართველი და საერთაშორისო მკვლევარები და სტუდენტები, რომლებსაც საშუალება ექნებათ იმსჯელონ უკრაინაში შეჭრის შედეგებსა და კავკასიაში არსებულ სხვა მნიშვნელოვან კონფლიქტებზე. განსაკუთრებით მნიშვნელოვანია პოლიტიკური, ეკონომიკური და სოციალური ცვლილებები, რომლებიც გამოიწვია კავკასიაში, განსაკუთრებით თბილისსა და რეგიონის სხვა ქალაქებში, ახალი თემების გამოჩენამ.

20-21ოქტომბერს ბათუმის ბულვარის ორგანიზებით, „ბულვარის დღეების“ ფარგლებში, გაიმართება საერთაშორისო სამეცნიერო კონფერენცია „რეკრეაციული პარკების მართვისა და განვითარების შესაძლებლობები“. კონფერენციის თემატიკა: ისტორია, კულტურული მემკვიდრეობა, ბულვარის კლასიკური და თანამედროვე ხელოვნების ნიმუშები, ეკოლოგია, გამწვანება და ლანდშაფტის დიზაინი, რეკრეაციული ბაღების მართვის თანამედროვე მიდგომები, ტურიზმი და სხვა.

2023 წლის 15 დეკემბერს ევროპის უნივერსიტეტისა და ქუთაისის უნივერსიტეტის ორგანიზებით, იმართება მესამე საერთაშორისო კონფერენცია „განათლება, ტექნოლოგიები და ინოვაცია“ (ICETI 2023). კონფერენციის შესახებ დეტალური ინფორმაციის მისაღებად, გთხოვთ, ეწვიოთ კონფერენციის ვებგვერდს: www.iceti.eu.edu.ge. კონფერენციაზე მომხსენებლად/მსმენელად დასარეგისტრირებლად, გთხოვთ, ეწვიოთ ბმულს: https://www.surveymonkey.com/r/GMW88DQ (კონფერენციაში მონაწილეობა/დასწრება თავისუფალია).