ბათუმის შოთა რუსთაველის სახელმწიფო უნივერსიტეტში საქართველოს დამოუკიდებლობის აღდგენის 100 წლის იუბილესადმი მიძღვნილი სტუდენტთა სამეცნიერო კონფერენცია გაიხსნა. ორი დღის განმავლობაში სხვადასხვა ფაკულტეტის 155 სტუდენტი სამეცნიერო მოხსენებებს თვრამეტი სექციის მიმართულებით წარმოადგენს. სტუდენტთა კარიერული განვითარების, კულტურისა და სპორტის დეპარტამენტის მიერ ორგანიზებული კონფერენციის მიზანია, ხელი შეუწყოს ახალგაზრდების სამეცნიერო საქმიანობაში ჩართვას, მეცნიერული უნარ-ჩვევების ჩამოყალიბებასა და განვითარებას.

დაიწყო რეგისტრაცია ბათუმის შოთა რუსთაველის სახელმწიფო უნივერსიტეტის 2017 წლის სტუდენტური სამეცნიერო კონფერენციისთვის, რომელშიც მონაწილეობის მიღება შეუძლია უნივერსიტეტის ბაკალავრიატის, მაგისტრატურისა და დოქტორანტურის საფეხურის სტუდენტებს (კონკურს გარეშე დასაშვებია სხვა უნივერსიტეტების სტუდენტებიც).

სტუდენტთა სამეცნიერო ცენტრის ორგანიზებით 18-27 აპრილს ბათუმის შოთა რუსთაველის სახელმწიფო უნივერსიტეტში რეფერატულ ნაშრომთა კონკურსი გაიმართა, რომელშიც ჩვენი უნივერსიტეტის 100-ზე მეტმა პირველკურსელმა მიიღო მონაწილეობა. კონკურსი 17 მიმართულებით მიმდინარეობდა. გამარჯვებულები დაჯილდოვდებიან სერთიფიკატებით და მონაწილეობას მიიღებენ სტუდენტთა საუნივერსიტეტო სამეცნიერო კონფერენციაში.

4 აპრილს, ბათუმის შოთა რუსთაველის სახელმწიფო უნივერსიტეტში ნატოს კვირეული ინტელექტუალური თამაშით - „NATO- OTAN“ -ით გაიხსნა. საგანმანათლებლო-შემეცნებით ინტელექტუალურ თამაშებში ბათუმის 21 სკოლის 100 -ზე მეტი მოსწავლე ჩაერთო. პროექტის მიზანი მოსწავლეების ინფორმირება NATO-ს მიზნებისა და ამოცანების, NATO-საქართველოს ურთიერთობების მიმდინარე პროცესებისა და გლობალური უსაფრთხოების მშენებლობაში საქართველოს როლის შესახებ გახლდათ. „NATO – OTAN“ „ნატოსა და ევროკავშირის საინფორმაციო ცენტრის“ აჭარის ბიუროს ინიციატივით, ბსუ-ს სტუდენტთა სამეცნიერო ცენტრისა და ბსუ -ს საზოგადოებრივ და პოლიტიკურ მეცნიერებათა ფაკულტეტის მხარდაჭერით გაიმართა. პირველი ადგილის მფლობელი "ევრო-2000-ის" გუნდი გახდა, მეორე და მესამე ადგილები სკოლა "ნიკემ" და მე-8 საჯარო სკოლის გუნდებმა გადაინაწილეს. გამარჯვებული გუნდები ფასიანი საჩუქრებით დაჯილდოვდნენ.

შოთა რუსთაველის დარბაზში ბათუმის შოთა რუსთაველის სახელმწიფო უნივერსიტეტის 80 წლის იუბილესადმი მიძღვნილი სტუდენტთა საერთაშორისო სამეცნიერო კონფერენცია გაიხსნა. სამეცნიერო სესიაში საქართველოსა და უცხოეთის უმაღლესი საგანმანათლებლო დაწესებულებების ბაკალავრიატის, მაგისტრატურის და დოქტორანტურის საფეხურის 100-მდე სტუდენტი მონაწილეობს.