მაქს ვებერის ფონდის საქართველოს ოფისის კვლევითი სტიპენდიის ფარგლებში, ნიკო ბერძენიშვილის ინსტიტუტის უფროსი მეცნიერი თანამშრომელი რუსლან ბარამიძე 2024 წლის 30 ივნისიდან 31 ივლისის ჩათვლით იმყოფებოდა ბრემენის უნივერსიტეტის აღმოსავლეთ ევროპის კვლევის ცენტრში (გერმანიის ფედერაციული რესპუბლიკა). ბრემენის უნივერსიტეტის აღმოსავლეთ ევროპის კვლევის ცენტრის არქივსა და ბიბლიოთეკაში დაცულია აღმოსავლეთ ევროპასა და ყოფილ სსრკ-ში დისიდენტურ მოძრაობასთან დაკავშირებული საარქივო მასალები, პერიოდიკა და შესაბამისი ლიტერატურა.

ბათუმის შოთა რუსთაველის სახელმწიფო უნივერსიტეტის, ნიკო ბერძენიშვილის ინსტიტუტისა და აშშ-ს სიეტლის უნივერსიტეტის ერთობლივი პროექტის ფარგლებში ხელვაჩაურის მუნიციპალიტეტში მდებარე ჩხუტუნეთის ციხის ტერიტორიაზე საერთაშორისო არქეოლოგიური ექსპედიცია მიმდინარეობს. პროექტში ჩართული არიან საქართველოს, აშშ-ს, კანადის, ჩინეთის, დიდი ბრიტანეთის, თურქეთისა და ისრაელის წარმომადგენლები.

1-3 ივლისს ტექნოლოგიების, განათლებისა და განვითარების საერთაშორისო აკადემიის, IATED-ის მიწვევით ბსუ-ს ზუსტ მეცნიერებათა და განათლების ფაკულტეტის პედაგოგიკურ მეცნიერებათა დეპარტამენტის ასისტენტ პროფესორმა დიანა ახვლედიანმა და ნიკო ბერძენიშვილის ინსტიტუტის ფოლკლორის, დიალექტოლოგიისა და ემიგრანტული ლიტერატურის კვლევის განყოფილების მთავარმა მეცნიერ თანამშრომელმა ნარგიზ ახვლედიანმა მონაწილეობა მიიღეს ესპანეთში, ქალაქ პალმა დე მალიორკაში გამართულ მე-16 ყოველწლიური საერთაშორისო კონფერენციაში თემაზე: „განათლებისა და ახალი სასწავლო ტექნოლოგიები“. მომხსენებლებმა კონფერენციაზე წარადგინეს მოხსენება: „საქართველოს უმაღლესი და ზოგადსაგანმანათლებლო ინსტიტუციების თანამშრომლობის მიზნები და შედეგები ინტერდისციპლინარული სწავლების უახლესი მეთოდების ფონზე“.

ოზურგეთის ისტორიულ მუზეუმში ცნობილი მეცნიერის, ისტორიის მეცნიერებათა დოქტორის, პროფესორ იური სიხარულიძის ხსოვნის საღამო გაიმართა. ღონისძიებაში მონაწილეობა მიიღეს და დამსწრე საზოგადოებას იური სიხარულიძის მეცნიერულ ღვაწლზე, მის მჭიდრო კავშირზე ნიკო ბერძენიშვილის ინსტიტუტთან და აჭარასთან, ესაუბრნენ ბსუ-ს ნიკო ბერძენიშვილის ინსტიტუტის დირექტორი როინ მალაყმაძე, ინსტიტუტის ფოლკლორის, დიალექტოლოგიისა და ემიგრანტული ლიტერატურის კვლევის განყოფილების უფროსი ელზა ფუტკარაძე, ისტორიისა და არქეოლოგიის განყოფილების უფროსი მეცნიერ-თანამშრომელი მერაბ მეგრელიშვილი.

აჭარის მწერალთა სახლში, ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის ფოლკლორის, დიალექტოლოგიისა და ემიგრანტული ლიტერატურის კვლევის განყოფილების მთავარმა მეცნიერმა-თანამშრომელმა ნაილე მიქელაძემ საჯარო ლექცია წაიკითხა თემაზე: „ტოპონიმური თქმულება-გადმოცემები ზემო აჭარაში“. მკვლევარმა აუდიტორიას მრავალწლიანი მუშაობის პროცესში მოძიებული მასალები წარუდგინა და მიღებული კვლევის შედეგები გააცნო. მეცნიერის კვლევის სფეროს ქართული ხალხური ზეპირსიტყვიერება, ტოპონიმები და მასთან დაკავშირებული თქმულება-გადმოცემები წარმოადგენს.